Две лица од Кина се пронајдени починати во стан во централното подрачје на Скопје, откако претходно биле пријавени за исчезнати.
Според информациите од МВР, на 2 септември околу 13:50 часот во СВР Скопје било пријавено дека Н.М. во стан ги пронашла својата 50-годишна мајка Ч.Т.Ј. и 37-годишниот сопруг на нејзината мајка Ш.Л.Ф., двајцата државјани на Кина.
Тие биле пријавени за исчезнати истиот ден во 00:49 часот.
Лекар од судска медицина констатирал смрт кај двете лица, при што не биле забележани видливи траги на насилство. Телата биле предадени на обдукција.
Полицијата презема мерки за целосно расчистување на случајот.
