Две лица од струшкото село Радолишта се приведени откако полицијата при контрола на возило и последователни претреси пронашла оружје и муниција за кои не поседувале соодветна дозвола.
Како што соопшти МВР, на 6 август околу 22:45 часот, на локалниот пат кај селото Вишни, полициски службеници од Регионалниот центар за гранични работи Запад извршиле преглед на патничко возило „Нисан“ со струшки регистарски ознаки, управувано од Љ.Љ. (31). Во возилото се превезувале уште Е.Љ. (35), Л.З. (49) и Б.Љ. (58), сите од Радолишта.
При контролата бил пронајден пиштол „Берета“, сопственост на Б.Љ., за кој тој поседувал дозвола, додека кај Л.З. бил пронајден пиштол „Застава“ без соодветна дозвола. Л.З. бил лишен од слобода поради сомнение за кривично дело според член 396 од Кривичниот законик, а Б.Љ. бил приведен согласно Законот за оружје.
По наредба на суд, биле извршени претреси и во домовите на двајцата. Кај Л.З. не биле пронајдени други предмети, додека кај Б.Љ. полицијата пронашла и одзела репетирачка пушка за која поседувал дозвола, како и пневматско оружје, пиштол и муниција од калибар 9 милиметри за кои немал соодветна дозвола.
За случајот е известен јавен обвинител од Основното јавно обвинителство Струга, а по неговото целосно документирање ќе бидат поднесени соодветни поднесоци.
