Две лица повредени во судир на автомобили кај Пробиштип, една жена со тешки повреди

Во сообраќајна несреќа што се случила вчера на регионалниот пат во близина на селото Бучиште, пробиштипско, тешко е повредена 28-годишна жена, информира Министерството за внатрешни работи.

— реклама —

Несреќата била пријавена на 3 јули во 12:20 часот, а во неа учествувале патничко возило „Фолксваген кеди“ со беровски регистарски ознаки, управувано од 36-годишниот Н.П. од Пробиштип, и патничко возило „Киа“ со пробиштипски регистарски ознаки, кое го управувал 32-годишниот А.М. од Пробиштип.

— реклама —

— реклама —

Во судирот, 28-годишната сопатничка Е.М. од Пробиштип, која се превезувала во возилото „Киа“, се здобила со тешки телесни повреди, додека возачот А.М. се здобил со телесни повреди. Повредите биле констатирани во Клиничката болница во Штип.

— реклама —

Увид на местото на несреќата извршила увидна екипа од ОВР Пробиштип.