Тешка сообраќајна несреќа се случи денеска во центарот на Скопје, во близина на Собранието, каде што во судир на две патнички возила се повредени две лица, според првичните информации.
Повредените биле згрижени од екипа на Итната медицинска помош, која пристигнала на местото на несреќата, по што биле пренесени во болница за понатамошно лекување.
Од силниот удар двата автомобили претрпеле големи оштетувања, а бил урнат и семафорот на раскрсницата. Очевидци тврдат дека непосредно пред судирот возилата се движеле со голема брзина.
Полициски екипи извршија увид на местото на несреќата и го регулираа сообраќајот, додека причините за несреќата ќе бидат утврдени по завршувањето на истрагата.
