Две лица со прострелни рани од огнено оружје вчера биле хоспитализирани во Комплекс клиники „Мајка Тереза“ и Градската општа болница „Св.Наум Охридски“.
Се работи за 32-годишен жител на скопското село Морани и 44-годишен маж од село Дејковец, општина Зелениково. Како што изјавиле пред полициски службеници, повредите ги добиле со ловна пушка од нивен другар од Студеничани, додека ловеле диви свињи.
На 20.11.2019 околу 17.00 часот во СВР Скопје, од Итна медицинска помош било пријавено дека во Комплекс клиники „Мајка Тереза“ и Градската општа болница „Св.Наум Охридски“ со повреди од огнено оружје биле донесени две лица.
Според пријавеното, по преземени мерки утврдено е дека станува збор за лицата Н.М.(32) од с.Морани, скопско, и Н.Ф.(44) од с.Дејковец, општина Зелениково. Двајцата повредени, во разговор со полициски службеници, изјавиле дека биле повредени со ловна пушка, од нивниот другар Т.Ш.(34) од с.Студеничани, скопско, околу 15.00 часот во близина на с.Дејковец, додека ловеле диви свињи
Со Т.Ш. бил извршен разговор во полициска станица и по целосно документирање на случајот, против него ќе биде поднесена соодветна пријава.
фото: Архива
