Две лица од Кавадарци биле лишени од слобода за време на одржувањето на културната манифестација „Тиквешки гроздобер“, откако полицијата при преглед кај нив пронашла бела прашкаста материја, а кај едниот и пари и телефон.
Од МВР информираат дека на 4 септември во 20:50 часот, полициски службеници од СВР Велес и ОВР Кавадарци ги лишиле од слобода 42-годишните Г.П. и В.Ќ., двајцата од Кавадарци.
При преглед кај Г.П. била пронајдена и одземена бела прашкаста материја, додека кај В.Ќ., покрај бела прашкаста материја, биле пронајдени и одземени пари и телефон.
При дополнителните проверки било утврдено дека двајцата биле под дејство на алкохол. Кај Г.П. биле измерени 0,53 промили, а кај В.Ќ. 0,44 промили алкохол во крвта.
Лицата биле приведени во полициска станица, а за случајот бил известен јавен обвинител. По целосното документирање на настанот, против нив ќе биде поднесена соодветна пријава.
