Две лица уапсени поради предизвикување пожари во Битола и Прилеп

Полицијата во Битола и Прилеп лиши од слобода две лица кои биле затекнати при предизвикување пожари на отворен простор, информира Министерството за внатрешни работи.

— реклама —

На 14 август во 21:15 часот, полициски службеници од СВР Битола на улицата „Јорго Костовски“, на местото викано „Тепсија“ во Битола, го лишиле од слобода 39-годишниот Е.К. од Битола. Тој бил затекнат додека предизвикувал пожар на отворен простор.

— реклама —

— реклама —

Ден претходно, на 13 август во 23:10 часот, полициски службеници од ОВР Прилеп на местото викано „Падарица“ во Прилеп го лишиле од слобода И.Ч. од Прилеп. И тој бил затекнат при предизвикување пожар на отворен простор, а при него била пронајдена и запалка.

Од МВР информираат дека по целосното документирање на случаите против двете лица ќе биде поднесен соодветен поднесок.