Две лица уапсени во Тетово поради сомнение за посредување во проституција

Две лица се лишени од слобода во Тетово поради сомнение дека сториле кривично дело „посредување во вршење проституција“, соопшти Министерството за внатрешни работи.

— реклама —

На 21 септември во 20 часот, на улицата „Илинденска“ во Тетово, полициски службеници од СВР Тетово ги лишиле од слобода М.Ц. (27) од Тетово и К.З. (31) од село Боговиње, со престој во Тетово.

— реклама —

Двете лица биле задржани во полициска станица, а истата вечер, врз основа на наредба од Основниот суд Тетово, бил извршен претрес во домот и помошните простории на К.З. во Тетово.

— реклама —

При претресот биле одземени еден куршум и други предмети за кои постои сомнение дека потекнуваат од кривично дело.

Од МВР информираат дека по целосното документирање на случајот ќе следуваат соодветни поднесоци.