Две лица влегле во незаклучен стан во Центар, го нападнале 88-годишниот сопственик и го ограбиле

Две лица влегле во незаклучен стан во скопската општина Центар, при што едниот физички го нападнал 88-годишниот сопственик, а другиот му одзел пари, лични документи и други предмети.

— реклама —

Од МВР информираат дека случајот бил пријавен на 3 септември во 16:00 часот во СВР Скопје. Според пријавата, двете лица влегле во станот на 88-годишникот, кој бил незаклучен.

— реклама —

— реклама —

Едниот од нив физички го нападнал старецот, додека другиот му одзел пари, лични документи и други предмети. По тоа, двајцата побегнале.

— реклама —

Полицијата презема мерки за расчистување на случајот.