Две лица загинаа во руски ракетен напад во близина на Киев

Две лица загинаа, а осум се повредени во руски ракетен напад врз Бориспиљ, град во близина на Киев, додека во украинската престолнина престојува германскиот министер за надворешни работи Јохан Вадефул.

— реклама —

Воздушните сирени се огласиле во Киев за време на настан со ветерани на кој присуствувале Вадефул и украинскиот претседател Володимир Зеленски. Во исто време, Русија извршила напад со балистички ракети врз Бориспиљ, кој се наоѓа на помалку од 30 километри источно од Киев.

— реклама —

Според украинските воздухопловни сили, кон градот биле истрелани најмалку три ракети. Гувернерот на Киевската област, Тимур Ткаченко, потврди дека две лица загинале, а осум се повредени. Пријавена е материјална штета на складишта, возила и згради.

— реклама —

Нападот е најнов во серијата руски воздушни удари врз Украина во последните денови. Вчера бил погоден трговски центар во Криви Рих, родниот град на Зеленски, при што загинаа 16 лица.

— реклама —

По пристигнувањето во Киев со специјален воз, Вадефул ги осуди руските напади и ја обвини Москва за „неселективно убивање цивили“ и намерно уништување на енергетската инфраструктура.