Две ракети погодиле стратешки важен ирански остров во Ормускиот Теснец

Две ракети погодиле дел од стратешки важниот остров Кешм во јужен Иран, јавуваат иранските медиуми, повикувајќи се на првични информации. Засега нема официјални податоци за евентуалните последици и причинетата штета.

— реклама —

Новинската агенција „Тасним“ објави дека повеќе детали ќе бидат соопштени откако надлежните институции ќе го потврдат инцидентот. Претходно, државната агенција ИРНА, повикувајќи се на локални очевидци, извести дека два проектила погодиле област во близина на населбата Суз на островот Кешм, откако над островот биле забележани авиони.

— реклама —

— реклама —

Претходно оваа недела, американската војска извршила ограничени напади врз ирански цели во Ормускиот Теснец. Според изјава на американски функционер, цел на нападот бил токму островот Кешм, а операцијата следувала по инцидент во кој иранската Револуционерна гарда отворила оган врз американски воздухоплов.

— реклама —