Две патнички возила биле зафатени од пожар во двор на семејна куќа во селото Стар Караорман, штипско, информира Министерството за внатрешни работи.
Според МВР, случајот бил пријавен на 6 август во 14:41 часот. Пожарот избувнал во дворно место сопственост на С.Н. (49) од Штип, при што биле опожарени патничките возила „фолксваген венто“ и „фолксваген голф“, двете со штипски регистарски ознаки.
Во пожарот нема повредени лица, а огнената стихија била изгасната од екипа на Територијалната противпожарна единица Штип.
Увид на местото извршила екипа на СВР Штип, која ги утврдува причините за избувнувањето на пожарот.
