Две возила изгореле во пожар во Ѓорче Петров

Две патнички возила биле зафатени од пожар на подрачјето на скопската општина Ѓорче Петров, а во инцидентот нема повредени лица.

— реклама —

— реклама —

Според информациите од Министерството за внатрешни работи, на 14 октомври 2026 година, околу 22:35 часот, во СВР Скопје бил пријавен пожар во кој биле зафатени автомобил „пежо“, сопственост на 28-годишниот Б.А., и автомобил „рено“, сопственост на 47-годишниот М.Н. И двајцата сопственици се од Скопје, а возилата биле со скопски регистарски ознаки.

— реклама —

Пожарот бил изгаснат од екипа на Бригадата за противпожарна заштита на Скопје. Од МВР информираат дека се преземаат мерки за целосно расчистување на случајот.