Две жени се прегазени во Скопје и еден судар во Битола, три сообраќајни несреќи во еден ден

Во текот на 8. јануари 2026 година се случиле три сообраќајни несреќи во кои три лица се здобиле со тешки телесни повреди, информираат од МВР.

— реклама —

Во 06:50 часот, во селото Петровец, патничко возило „шкода“ со скопски регистарски ознаки, управувано од 46-годишен жител на Петровец, удрило во 61-годишна жена од Скопје. Повредената била пренесена во Градската општа болница „Св. Наум Охридски“, каде што ѝ биле констатирани тешки телесни повреди.

— реклама —

Во 12:00 часот, на крстосницата меѓу улиците „Московска“ и „Женевска“ во Скопје, патничко возило „цитроен“ со скопски регистарски ознаки, управувано од 54-годишен жител на Скопје, удрило во 74-годишна жена од Скопје. Таа со тешки телесни повреди била пренесена во Градската општа болница „Св. Наум Охридски“.

— реклама —

Во 14:54 часот, на крстосницата од улиците „8 Септември“, „Крсте Нале“ и „Раштанска“ во Битола, се случила сообраќајна несреќа меѓу патничко возило „сеат ибица“, управувано од 19-годишен жител на Битола, и патничко возило „опел астра“, управувано од 46-годишна жена од селото Кукуречани. Жената се здобила со тешки телесни повреди и била пренесена во Клиничката болница Битола.

За сите три сообраќајни несреќи бил извршен увид од надлежни полициски екипи.