Дводневниот штрајк на екипажот на авиокомпанијата „Луфтханза“ почна утринава, а се очекува да бидат откажани околу 1.300 летови со кои би требало да патуват 180.000 патници. 700 летови би требало да бидат откажани денеска, а уште 600 утре.
Вработените бараат повисоки плати и подобри услови за работа. Ова е втор штрајк на вработените во оваа авиокомпанија во последните две недели.
Патниците беа предупредени за евентуални промени во нивниот ред на летање или за откажани летови на овој германски авиопревозник на територијата на цела Германија.
Синдикатот ЈУЕФО, што ги застапува вработените во „Луфтханза”, соопшти дека 48-часовниот штрајк може да прерасне во протест без рок, доколку не бидта исполнети барањата на нејзините членови. Од авиокомпанијата, пак, се пожалија за протестот и соопштија дека синдикатот нема надлежност да го претставува кабинскиот персонал и одби да преговара со овој синдикат.
фото: DW
