Помина една година од смртта на легендарниот кантавтор Ѓорѓе Балашевиќ. Неговата смрт ги потресе почитувачите на неговиот лик и дело низ целиот регион. Кантавторот почина поради компликации од коронавирусот.
Беше член на групите„ Жетва“ и „Рани мраз“, а во 1982 година започна соло кариера. Во својата скоро петдецениска кариера, Балашевиќ одржа стотици концерти во градовите низ поранешна Југославија, сними 12 албуми и остави зад себе десетици хитови, од кои многумина станаа евергрини и химни за многу генерации во регионот.
Исто така, има глумено во неколку телевизиски серии, за кои пишувал и музика. Ѓорѓе Балашевиќ роден е на 11 мај 1953 година во Нови Сад.
По овој повод, неговото семејство најави дека нема да има голем помен, затоа што не сакаат да го слават денот кога тој починал.
