Денес се навршува една година од страотната сообраќајна несреќа на автопатот Скопје-Тетово, кај селото Ласкарци, која однесе 16 човечки животи, а над 30 се здобија со тешки повреди и го зави Гостивар во црно.
Несреќата се случи околу 17 часот во атарот на селото Ласкарци, скопско. Автобусот на компанијата „Дурмо турс“ сообраќал на релација Скопје-Гостивар, со 51 патник, најголем дел од Гостивар. Автобусот излетал од автопатот Тетово-Скопје и паднал во провалија откако ја пробил заштитната ограда на автопатот. На местото веднаш на помош претрчаа мештани од Ласкарци и околината. За спасувањето биле мобилизирани сите комбиња на брзата помош од „Здравствен дом - Скопје“ и од приватните болници.
Инаку судскиот процес за оваа несреќа сеуште трае. Во досегашниот судски процес беа презентирани низа вербални и материјални докази. На последното рочиште од страна на вешти лица беа презентирани вештачења за здравствената и психичката состојба на Маноил Труфуновски, возачот на „Дурмо турс“.
фото: Архива
