Едно лице тешко повредено во сообраќајка меѓу камион и автомобил кај Кичево

Едно лице се здобило со тешки телесни повреди, а две лица биле повредени во сообраќајна несреќа на магистралниот пат Кичево–Гостивар, во близина на селото Колари.

— реклама —

Според МВР, несреќата се случила на 13 август во 07:50 часот, а во неа учествувале товарно возило „фиат“ со скопски регистарски ознаки, управувано од Д.К. (56) од Скопје, и патничко возило „ауди“ со кичевски регистарски ознаки, управувано од 46-годишната Л.К. од селото Попоец, кичевско.

— реклама —

Во судирот тешко бил повреден сопатникот Р.Г. (39) од селото Другово, кичевско. Со телесни повреди се здобиле и возачката на „ауди“, Л.К., како и 74-годишниот сопатник Г.Г., исто така од Другово.

— реклама —

Повредите биле констатирани во Медицинскиот центар во Кичево.

— реклама —

За несреќата бил известен јавен обвинител, а увид на местото извршила увидна екипа од ОВР Кичево.