Едно лице тешко, две полесно повредени во судир на три автомобили кај Кичево

Едно лице се здобило со тешки телесни повреди, а две со полесни повреди во сообраќајна несреќа што се случила на регионалниот пат Кичево–Македонски Брод, кај месноста Бели Мостој.

— реклама —

Според информациите од Министерството за внатрешни работи, несреќата била пријавена на 5 август околу 17:20 часот, а во неа учествувале патничко возило „хонда“ со регистарски ознаки од Македонски Брод, управувано од Е.С. (63) од селото Лисичани, возило „фолксваген“ со австриски национални ознаки, управувано од Б.З. (31) од селото Пласница и патничко возило „голф“ со регистарски ознаки од Македонски Брод, управувано од А.Ш. (25) од селото Пласница.

— реклама —

— реклама —

Во несреќата со тешки телесни повреди се здобил возачот А.Ш., додека 17-годишен сопатник во неговото возило и возачот Е.С. се здобиле со телесни повреди. Повредите биле констатирани во Општата болница во Кичево.

— реклама —

Увид на местото на несреќата извршиле полициски екипи.