Едно лице загина, три се повредени во тешка сообраќајка на патот Гостивар–Стража

Едно лице загина, а три се повредени во тешка сообраќајна несреќа што синоќа се случила на магистралниот пат Гостивар–Стража, соопшти МВР.

Според информациите од МВР, несреќата била пријавена во 22:55 часот во СВР Тетово. Во неа учествувале две патнички возила „голф“.

— реклама —

Едниот „голф“, со гостиварски регистарски ознаки, бил управуван од 34-годишниот А.И. од село Чегране, а негов сопатник бил 28-годишниот Х.К. од Гостивар. Со второто возило, со тетовски регистарски ознаки, управувал 21-годишниот Д.Н. од Тетово, а сопатник била 21-годишната Ф.Ј., исто така од Тетово.

Од страна на лекар од Итната медицинска помош на местото на несреќата била констатирана смрт кај возачот Д.Н.

— реклама —

Останатите три лица биле пренесени во Медицинскиот центар во Гостивар, каде што им биле констатирани телесни повреди.

— реклама —

Увид на местото извршиле јавен обвинител и увидна екипа од ОВР Гостивар.