Екипите на „Паркови и зеленило“ секојдневно работат на уредување на јавните зелени површини во Охрид

Екипите на работната единица „Паркови и зеленило“ при ЈП „Охридски комуналец“ секојдневно се на терен, реализирајќи активности за одржување и уредување на јавните зелени површини во различни делови од градот.

— реклама —

Во рамки на редовните активности, покрај косењето во Градскиот парк и долж улицата „Булевар Туристичка“, се коселе и тревните површини на улицата „Кленоец“, вклучително и просторот околу детското игралиште, како и паркот кај црквата „Света Софија“ и површините покрај каналот Студенчишта.

— реклама —

Екипите спровеле и тековно одржување на зеленилото на улицата „Железничка“, каде што биле извршени активности за шишање на украсните форми во бетонските жардиниери, плевење и косење на тревните површини.

— реклама —

Воедно, се работело на косење и отстранување на неуредната вегетација покрај патот што води до црквата „Света Троица“, како и на тековно одржување на цветните леи во парковските содржини.

— реклама —

Од ЈП „Охридски комуналец“ информираат дека биле спроведени и активности за чистење на бршленот од дрвјата во Градскиот парк, со цел зачувување на нивната виталност и уредниот изглед на зелените површини во Охрид.