Експлозија на железничка станица во Германија: Повредени најмалку две лица

Најмалку две лица се повредени утрово во експлозија на главната железничка станица во Аугсбург, Германија, по што полицијата спроведува интервенција и истрага.

— реклама —

Инцидентот се случил околу 5:14 часот во преминот во внатрешноста на главната железничка станица. Според германските медиуми, експлодирал засега неидентификуван предмет, при што две лица се здобиле со полесни повреди, главно оштетување на слухот. Од експлозијата биле оштетени и прозорци во близина.

— реклама —

Засега не е познато за каков предмет или направа станува збор.

Полицијата соопшти дека зградата на станицата и еден колосек се затворени, додека железничкиот сообраќај се одвива ограничено. Инцидентот влијаел и врз јавниот превоз во околината.

— реклама —

Истрагата е во тек, а полицијата ги повика граѓаните да ја избегнуваат околината на главната железничка станица.