Експлозија во Бардовци оштетила куќа и автомобил, случајот го истражува полицијата.
МВР соопшти дека на 16 август 2026 година околу 02:35 часот, во СВР Скопје, 70-годишниот К.Б. од Скопје пријавил дека во Бардовци кон неговиот дом бил фрлен предмет кој предизвикал експлозија.
Од експлозијата биле оштетени скалите на влезот во куќата и бил скршен прозорец. Оштетувања претрпеле и патничко возило, портата на домот и други предмети.
Полицијата презема мерки за расчистување на случајот и утврдување на околностите под кои се случил настанот.
