Викендов (14-16 јули) ќе се одржи јубилејното 60-то издание на Галичка свадба.
Овогодинешниот зет е Оливер Андреевски, со потекло од галичката фамилија Шулески, долгогодишен учесник на Галичка свадба како и дел од организацијата на повеќе настани во Галичник, додека невестата е Елисавета Булоска со потекло од Охрид.
Љубовта помеѓу Оливер и Елисавета започнала токму во Галичник, каде и што ќе ја крунисаат.
„Во Галичник започна нашата љубов со Оливер и драго ми е што ќе ја овековечиме таму. И многу сме среќни и тука сме еден за друг да се поддржиме“, рече Елисавета.
„Јас имам потекло од Галичник, невестата има потекло во Охрид. Веќе пет години се знаеме и цело време и зборам за Галичник. И така се одлучивме да аплицираме да учествуваме, и со голема желба, љубов и почит кон нашите предци да учествуваме на свадбата, заедно со нашите семејства и да се венчаме токму во Галичник со сите обичаи“, рече Оливер.
На 14-ти ќе се одржи целовечерен концерт на групата Фолтин, а во сабота доцна попладне почнуваат сите обичаи поврзани со Галичката свадба.
Покровител на манифестацијата Галичка свадба е претседателот на државата Стево Пендаровски кој по татко е галичанец.
