Емир Хасановиќ: „Народот не реагира на вистинските проблеми, туку оди на партиски митинзи“

Поранешниот советник во Министерството за одбрана и аналитичар, Емир Хасановиќ, преку објава на социјалните мрежи упати остри критики за односот на граѓаните кон политиката и општествените случувања.

— реклама —

„Причината зошто никој нормален не сака да се занимава со политика е едноставна. Затоа што кога ви излегува фекалија од чешма не реагирате и не протестирате, но кога партија која ве понижува и пљачка 30 години наназад ве вика на митинг, отворање два километри пат или некаков глупав етно протест, одите со задоволство“, напиша Хасановиќ.

— реклама —

Тој додава дека, според него, граѓаните го добиваат токму она што го заслужуваат.

„Сè што овој народ доживува и заслужува. Тоа е тешката и неверојатна вистина со која треба да се соочиме. Не е оваа шака јад достојна за подобри и поспособни“, наведува Хасановиќ во својата објава.

— реклама —