Фудбалскиот терен во Боговиње беше место на особено емотивен момент, кога Рамадан Шерифи, по постигнатиот гол, го посвети погодокот на својот прерано починат пријател и фудбалер Даниел Николовски.
Наместо вообичаена прослава, Шерифи го покажа ликот на Даниел, со што му оддаде почит и испрати силна порака во негов спомен.
Даниел повеќе не е меѓу своите пријатели и соиграчи на фудбалските терени, но споменот за него продолжува да живее кај сите што го познавале и со него ја споделувале љубовта кон фудбалот.
Гестот на Шерифи беше емотивен поздрав до пријателот, покажувајќи дека искрените пријателства и спомените не исчезнуваат, дури и кога човекот повеќе не е присутен.
За Даниел, еден гол стана многу повеќе од спортски момент – стана потсетник дека никогаш нема да биде заборавен.
