Холивудската актерка Ен Хатавеј откри дека таа и нејзиниот сопруг Адам Шулман биле целосно изненадени кога дознале дека го очекуваат своето трето дете, иако бременоста била планирана.
Во гостување во емисијата „Late Night with Seth Meyers“, 43-годишната добитничка на „Оскар“ низ смеа признала дека станува збор за бременост која ја нарекла „во последен момент“.
„Бевме во целосен шок што успеа. Знаевме што правиме, но сепак останавме изненадени од исходот“, изјавила Хатавеј.
Водителот Сет Мајерс, кој и самиот е татко на три деца, ѝ рекол дека со третото дете родителството станува како серија што не можеш да престанеш да ја гледаш, на што актерката одговорила дека едноставно добиле „нов член во актерската екипа“.
Хатавеј и Шулман се во брак од 2012 година и веќе имаат два сина. Двојката е заедно од 2008 година.
Актерката претходно јавно зборувала за својата борба со неплодноста, опишувајќи го патот до мајчинството како тежок и осамен. Таа истакнала дека за многу жени бременоста не доаѓа лесно и дека зад среќните вести често се кријат години исполнети со надеж и разочарувања.
