Ердоган: Членството во ЕУ повеќе не ни е приоритет, но Турција не ги затвора вратите

Турција повеќе нема да го смета членството во Европската Унија за свој приоритет, но нема целосно да се откаже од можноста за пристапување, изјави турскиот претседател Реџеп Таип Ердоган.

— реклама —

„Европската Унија не ни е приоритет“, рече Ердоган во интервју за „Ал Џезира“, додавајќи дека, според него, токму ЕУ би можела да биде на загуба доколку продолжи да ја одбива Турција.

— реклама —

Турција е кандидат за членство во ЕУ од 1999 година, а пристапните преговори официјално започнаа во 2005 година. Сепак, тие подоцна беа практично замрзнати поради континуираното назадување на земјата во областите на демократијата, владеењето на правото и основните права.

Во меѓувреме, турските власти се соочуваат со нови критики поради постапките против опозицијата, особено по апсењето на поранешниот градоначалник на Истанбул и политички ривал на Ердоган, Екрем Имамоглу.

— реклама —

Судењето против Имамоглу треба да продолжи во судот во истанбулската област Силиври. Тој е обвинет за корупција, перење пари и формирање криминална организација.

— реклама —

Турската опозиција тврди дека случајот е политички мотивиран и го обвинува Ердоган дека преку судството се обидува да го отстрани својот најсериозен политички противник. Владата ги отфрла овие обвинувања и негира политичко влијание врз судството.