Ескалација на Блискиот Исток: Египет подготвен да ѝ помогне воено на Саудиска Арабија

Египетскиот парламент одобри воена поддршка за одбраната на Саудиска Арабија по ескалацијата на нападите на јеменските Хути, пренесуваат локалните медиуми. Речиси 500 пратеници побарале да учествуваат во расправата за ова прашање, објави „Ал Џезира“.

— реклама —

Според членот 152 од египетскиот Устав, претседателот не може да објави војна или да распореди воени сили без консултации со Националниот совет за одбрана и одобрение од две третини од пратениците.

— реклама —

Египетскиот претседател Абдел Фатах ал Сиси минатата недела побара од парламентот да одобри помош за одбраната на Саудиска Арабија доколку Ријад побара поддршка. Саудиска Арабија е најголемиот светски извозник на нафта.

Хутите, кои имаат поддршка од Иран, во октомври го нападнаа меѓународниот аеродром во Ријад и нафтената компанија „Сауди Арамко“, предизвикувајќи прекини во авиосообраќајот и извозот на нафта.

— реклама —

Египет повеќепати ги осуди иранските напади врз земјите од Заливот, но досега не се вклучи директно во борбите ниту се приклучи кон Пактот за заемна одбрана во Мека, склучен меѓу Саудиска Арабија, Пакистан и Турција.

Египет, најнаселената арапска земја со една од најголемите армии во регионот, се приклучи на коалицијата предводена од Саудиска Арабија во раната фаза на војната во Јемен, во март 2015 година, главно како поморски партнер.