Поранешниот француски тенисер Никола Ескуде изјави дека настапот на Јаник Синер во финалето во Мадрид не бил толку спектакуларен како што изгледа од резултатот, и покрај убедливата победа над Александар Зверев со 6:1, 6:2.
Ескуде оцени дека клучниот фактор во финалето не бил извонредноста на Синер, туку слабата игра на Зверев, кој, според него, целосно потфрлил во најважниот натпревар.
Тој додаде дека Синер веќе подолг период доминира на турнејата, освојувајќи повеќе Мастерс турнири без изгубен сет, што само по себе е импресивно, но дека ова финале не донело нови сознанија за неговата игра.
„Не видовме ништо изненадувачко од Синер. Ги направи работите што ги знае, додека Зверев не беше на нивото што се очекува во ваков меч“, изјави Ескуде.
Следниот голем турнир на АТП-календарот е Рим, кој ќе се одржи од 6 до 17 мај.