Евакуирана железничка станица во Германија: На пругата пронајден предмет за кој се стравува дека е експлозивен

Железничката станица во Тројхтлинген, во германската покраина Баварија, денеска е евакуирана заедно со околните објекти откако на железничката пруга бил пронајден сомнителен предмет за кој постои сомневање дека може да содржи експлозив.

— реклама —

Полицијата на Средна Франконија соопшти дека екипите за итни случаи ги евакуираат објектите што се сметаат за директно загрозени, додека специјализирани тимови на Сојузната полиција го испитуваат предметот.

— реклама —

Сомнителниот предмет го забележал техничар во чакалот меѓу шините, на влезот во железничката станица. Специјалистите веќе извршиле рендгенско снимање, но засега не може целосно да се исклучи можноста дека предметот претставува опасност од експлозија.

— реклама —

На местото е ангажиран тим на Сојузната полиција за деактивирање експлозивни направи, кој треба да утврди за каков предмет станува збор и дали тој претставува реална опасност.

— реклама —

Тројхтлинген има околу 13.000 жители и се наоѓа меѓу Нирнберг и Инголштад.