Необичен инцидент се случил во супермаркет во западна Германија, каде што еж по грешка го активирал алармот за провала, по што на местото интервенирала полицијата.
Кога полициските службеници пристигнале во продавницата во градот Милхајм, во близина на Франкфурт, наместо провалник, во влезниот дел од објектот пронашле мал еж.
Полицијата со доза на хумор соопштила дека станува збор за „четириножен, мал и тркалезен натрапник, очигледно без криминални намери“.
Се претпоставува дека ежот влегол во супермаркетот во текот на денот и останал внатре по затворањето. Додека љубопитно ја истражувал продавницата, случајно го активирал безбедносниот систем.
По краток преглед, за да се утврди дека не е повреден, животното било пуштено назад во природата.
