Фалсификувал свидетелство за да полага возачки испит: Кривична пријава за 27-годишен кавадарчанец

Кавадарчанец е кривично пријавен под сомнение дека се обидел да употреби фалсификувано свидетелство за завршено основно образование за да се запише во автошкола и да полага возачки испит.

— реклама —

Од МВР информираат дека ОВР Кавадарци поднело кривична пријава до Основното јавно обвинителство Кавадарци против 27-годишниот Ѓ.К. од Кавадарци поради постоење основано сомнение за сторено кривично дело „Фалсификување исправа“ по член 378 од Кривичниот законик.

— реклама —

— реклама —

Според пријавата, на 4 јуни 2026 година, Ѓ.К. во нотарска канцеларија во Кавадарци приложил за заверка фалсификувано свидетелство за завршено основно образование од основно училиште во Скопје.

— реклама —

Документот, според сомнението, имал намера потоа да го приложи во автошкола за да може да полага возачки испит.