Фатен со половина кубик огревни дрва и без возачка дозвола кај Камењане

33-годишен жител бил лишен од слобода откако полицијата го затекнала како управува возило без возачка дозвола, а во багажникот му биле пронајдени и огревни дрва.

— реклама —

Од МВР информираат дека на 27 септември во 14:40 часот, на клучката Камењане, полициски службеници сопреле патничко возило „Шкода“ со тетовски регистарски ознаки, управувано од А.Д. (33).

— реклама —

При прегледот во багажникот биле пронајдени околу 0,5 кубни метри огревни дрва. Дополнително било констатирано дека А.Д. управувал со возилото без стекнато право на управување, односно без возачка дозвола.

— реклама —

Лицето било лишено од слобода согласно член 297-а од Кривичниот законик, а возилото било одземено.

По целосното документирање на случајот, против А.Д. ќе следува соодветен поднесок.