Фејсбук објави дека затворил дури 5,4 милиони лажни профили од својата платформа од почетокот на годинава, над двојно повеќе од 2,5 милијарди активни корисници.
Речиси сите профили беа изгаснати пред да имаат можност да станат активни корисници. Сепак, Фејсбук признава дека околу 5% од нивните месечни активни корисници се веројатно лажни. Ова откритие го покажува обемот на предизвикот со кој се соочува овој интернет гигант кога се подготвува за изборната сезона во САД, како и пописот во таа земја следната година.
„Фактот дека бројките се големи не значи дека има толку многу штетна содржина. Тоа само значи дека ние работиме напорно за да ја идентификуваме оваа содржина и затоа се појавија во толкав поголем број “, истакна Цукерберг.
Фејсбук отстрани најголем број лажни профили веднаш на почетокот на годината, 2 милијарди од јануари до март. Во наредните три месеци отстрани 1,5 милијарди, а од јули до септември 1,7 милијарди.
Зборувајќи пред новинарите, Цукерберг објасни дека алгоритмите на Фејсбук сега се користат за отстранување на штетна содржина и на Инстаграм: продажба на лекови, на оружје, експлоатација на деца, самоубиства и самоповредување, како и терористичка пропаганда.
фото: Архива
