Филипче: Ако сме трета економија во Европа зошто Владата не ги покачи платите

Претседателот на СДСМ, Венко Филипче, во интервју за Сител изјави дека доколку економијата навистина бележи раст, како што тврди Владата, тоа треба да се одрази и преку зголемување на платите и пензиите, што, според него, не се случува.

— реклама —

Филипче посочи дека официјалните податоци за економски раст не кореспондираат со реалната состојба на терен, при што граѓаните, како што изјави, се соочуваат со ценовни шокови и ниски приходи.

— реклама —

„Ако е така добро на хартија, како што кажа премиерот, зошто не ги зголеми платите? Ако имаме раст, ако сме трета економија во Европа, зошто не се зголемат платите и пензиите?“, изјави Филипче.

— реклама —

Тој додаде дека, наместо значително покачување, пензионерите добиле униформно зголемување, што според него не ги задоволува нивните потреби, при што оцени дека ваквиот пристап не е праведен.

— реклама —

Во интервјуто, Филипче истакна дека граѓаните секојдневно се соочуваат со раст на цените на основните производи и дека, според него, не биле преземени соодветни мерки за ублажување на економскиот притисок.