Филипче: Граѓаните сакаат промени и нормален живот и тоа ќе се случи

Претседателот на СДСМ, д-р Венко Филипче, на денешната прес- конференција порача дека веќе граѓаните јасно ја препознаваат реалната состојба во државата и дека сакаат промени и нормален живот. Филипче посочи дека времето на манипулации и прикривање на вистината завршува и дека граѓаните се подготвени за промени.

— реклама —

„Готово е со тоа. Граѓаните не се ни слепи, не се ни глуви. Нема повеќе мачкање очи. Народот сака промени и тие ќе се случат. Ние немаме време за губење“, рече Филипче.

— реклама —

Тој додаде дека граѓаните не сакаат криминал, корупција и лош животен стандард, туку бараат достоинствен живот, стабилност  и функционална држава.

„Никој повеќе не сака криминал, не сака корупција, не сака лажни приказни, не сака лош животен стандард.Никој не сака влошување на меѓуетничките односи. Никој не сака влошување на релациите и односите со соседите. Луѓето сакаат нормален живот, сакаат Европа. Сакаат децата тука да им продолжат да живеат, ама нормално, пристојно, со добри примања“, рече Филипче.

— реклама —

Воедно, Филипче нагласи дека периодот на популизам и поделби завршува, и дека граѓаните веќе носат поинакви одлуки.

— реклама —

„Ерата на популизам, лаги и делење на народот полека но сигурно завршува. На следните избори премиерот нема да може да клечи и да моли за власт и да дели лажни ветувања, затоа што граѓаните веќе го прочитаа“, рече Филипче.