„Филипче и СДС со политиките на понижување и сервилност го отвораат патот за нови уцени кон Македонија“, велат од ВМРО-ДПМНЕ

Од ВМРО-ДПМНЕ преку соопштение упатија критики кон СДСМ и лидерот Венко Филипче, обвинувајќи ги дека со политиките на попуштање и сервилност отвораат простор за нови уцени кон Македонија.

— реклама —

Во партиското соопштение се наведува дека Филипче е продолжение на политиките на поранешниот премиер Зоран Заев и дека СДС, според нив, со години прифаќал отстапки на штета на македонскиот идентитет, јазик и историја.

— реклама —

Од ВМРО-ДПМНЕ тврдат дека СДС ја промовира тезата дека државата мора да прифаќа условувања за да напредува кон Европска Унија, при што повторно се споменуваат уставните измени како „последен чекор“.

— реклама —

Во реакцијата се додава дека секоја отстапка, според нив, довела до нови барања и притисоци врз државата.

— реклама —

„Македонскиот народ нема да дозволи нови понижувања и ново распродавање на идентитетот“, наведуваат од ВМРО-ДПМНЕ, додавајќи дека државните интереси мора да бидат над политичките калкулации.