Филипче: Инвестициите намалени за 60%, над 1.500 отпуштени работници, економски дебакл на Мицкоски

„Странските инвестиции се намалени за 60%, компаниите затвораат и отпуштаат работници, само во изминатата година и пол се отпуштени 1500 работници. Буџетскиот дефицит расте, а државата должи 160 милиони евра за поврат на ДДВ кон компаниите. Компаниите не можат да ги планираат своите средства, а се доцни со исплата на плати, обвини претседателот на СДСМ, Венко Филипче, на денешната прес-конференција.

— реклама —

— реклама —

Филипче укажа на фактот дека граѓаните живеат многу полошо од пред две години, кога на власт дојде Христијан Мицкоски и коалицијата, а тоа го потврдуваат и бројките.

„Цените на основните производи се зголемени – леб, брашно, шеќер, сол, месо, млечни производи, овошје и зеленчук. Некои производи се поскапени и до 300%. Додека Европа очекува уште посилен удар од кризата и носи мерки за справување со инфлацијата и ризикот од рецесија, Мицкоски живее во свој паралелен свет. Нема капацитет да води држава. Заинтересиран е само за себе и своите блиски, а сè останато го плаќаат граѓаните, рече Филипче.

— реклама —

Филипче посочи дека граѓаните скапо ги плаќаат промашените политики на власта ,  живеат во услови на економска нестабилност и ниски приходи.

— реклама —

„Граѓаните ги плаќаат бајките и неспособноста на Мицкоски со празни џебови и празни фрижидери. Што имаме денес? Зборуваме за економија што тоне, за тежок секојдневен живот на граѓаните, за цени во продавниците кои веќе пораснаа без никаква контрола, за најниски плати во Европа, за најнизок стандард во Европа и за млади кои заминуваат од земјава.“, истакна претседателот на СДСМ, Венко Филипче.