Филипче: Мицкоски повторно зборуваш за името, па што не го враќаш

Лидерот на СДСМ, Венко Филипче, преку објава на социјалната мрежа X упати критики до премиерот Христијан Мицкоски, обвинувајќи го за недоследност во ставовите околу прашањето за името.

— реклама —

Филипче посочи дека Мицкоски повторно ја отвора темата за името, иако, како што наведува, во минатото ветувал дека ќе го врати старото уставно име и ќе го поништи Преспански договор.

— реклама —

„Кога клечеше и молеше за власт, ветуваше дека ќе го врати името и ќе го поништи Преспанскиот договор, а нас нè нарекуваше предавници“, наведува Филипче.

Тој прашува зошто тоа ветување не се реализира, оценувајќи дека причината е јасна – можните последици по членството во НАТО и европската интеграција на земјата.

— реклама —

„Па зошто не го враќаш името, БЈРМ? Затоа што знаеш дека тоа значи излез од НАТО и крај на европскиот пат“, додава Филипче.

— реклама —

Во објавата, лидерот на СДСМ го обвинува Мицкоски за, како што вели, лажен патриотизам и недоследност, порачувајќи дека „доаѓа времето на вистината“.