Претседателот на СДСМ, Венко Филипче, на денешната прес-конференција најави дека пратеничката група на партијата ќе поднесе кривична пријава и интерпелација против претседателот на Собранието, Африм Гаши.
Филипче обвини дека Гаши континуирано го крши Деловникот и ја злоупотребува функцијата при работењето на собраниските комисии.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
Според него, претседателот на Собранието спротивно на процедурите закажувал состаноци на Комисијата за финансирање и буџет, иако нејзината претседателка, Сања Лукаревска, била присутна и немало услови друг пратеник да ја води комисијата.
„Ова е веќе пракса на претседателот на Собранието, Африм Гаши, и со тоа го крши Деловникот“, изјави Филипче.
Тој оцени дека станува збор за сериозно непочитување на собраниските процедури и најави дека СДСМ ќе ги искористи сите правни механизми против ваквото постапување.
