Филипче: Пензионерите се оштетени, власта ги „краде“ со линеарни мерки

Претседателот на СДСМ, Венко Филипче, во интервју за Алсат М телевизија изјави дека Владата направила, како што рече, сериозен упад во пензискиот систем со примената на линеарни мерки за зголемување на пензиите, при што, според него, пензионерите се финансиски оштетени.

— реклама —

Филипче оцени дека ваквиот пристап го нарушува претходно воспоставениот модел за усогласување на пензиите и дека со него, наместо системски пораст на примањата, се добива намалена реална корист за дел од пензионерите. Тој посочи дека доколку се применувал претходниот модел, зголемувањата би биле повисоки за одредени категории пензионери.

— реклама —

— реклама —

Според него, економските политики на актуелната власт се неповолни за граѓаните и доведуваат до дополнителен притисок врз буџетот. Филипче наведе дека државните финансии се под зголемен дефицит и дека наплатата на приходи е слаба, што, како што рече, влијае врз целокупната економска стабилност.

— реклама —

Во своето обраќање, тој додаде дека Владата нема јасен економски правец и дека наместо конкретни решенија, јавноста добива, како што оцени, неодлучен пристап во справувањето со кризите.