Филипче: Поради Мицкоски македонските граѓани губат европски пари и фондови

Претседателот на СДСМ, Венко Филипче, на денешната прес конференција изјави дека поради, како што оцени, блокираниот европски пат, државата губи значајни финансиски средства и фондови од Европската Унија, што директно се одразува врз развојот и животниот стандард.

„Се губат европските пари, фондовите и грантовите, како и структурните средства што во други земји донесоа подобра инфраструктура – патишта, железници, болници, училишта и градинки“, рече Филипче на прес-конференција.

— реклама —

Тој додаде дека, според него, негативните последици од ваквите политики ги чувствуваат граѓаните, посочувајќи и на состојбата со програмите за поддршка на земјоделството.

— реклама —

„Се изгубија и фондовите за поддршка на земјоделството. Тоа се средства кои требаше да помогнат во развојот на овој сектор, а нивното отсуство значи дополнителен товар за земјоделците“, истакна Филипче.

Според него, застојот во евроинтеграциите ја става државата во неповолна позиција во однос на земјите од регионот.

— реклама —

„Додека соседите напредуваат кон членство во Европската Унија, ние стоиме во место. Прашањето е кој губи – губат граѓаните и државата“, рече Филипче.

— реклама —

Тој нагласи дека европската перспектива носи конкретни придобивки, не само во економијата, туку и во квалитетот на живот.

„Европската интеграција значи подобро образование, здравство и социјална сигурност. Тоа е предуслов за напредок и развој на општеството“, додаде Филипче.