Филипче: „Се повлекуваме од Комисијата, СДСМ нема да учествува во брутално, задолжување на државата за криминални тендери“

Претседателот на СДСМ, Венко Филипче, на денешната прес-конференција соопшти дека пратеничката група на партијата се повлекува од комисиската расправа поврзана со новото задолжување на државата.

— реклама —

Филипче обвини дека Владата предводена од Христијан Мицкоски ја турка државата во, како што рече, „должничко ропство“, посочувајќи дека се планира ново задолжување од 260 милиони евра со висока каматна стапка.

— реклама —

Според него, средствата не се користат за подобрување на состојбите во државата, туку завршуваат во партиски тендери и фирми блиски до власта.

Тој изјави дека државниот долг за две години е зголемен за околу две милијарди евра и дека Владата нема јасна економска стратегија.

— реклама —

Филипче дополнително го обвини претседателот на Собранието Африм Гаши за кршење на Деловникот при закажување седници на Комисијата за финансирање и буџет, која ја води пратеничката Сања Лукаревска.

— реклама —

Од СДСМ најавија дека ќе поднесат кривична пријава и интерпелација против Гаши.