„Филипче секојдневно бара Уставни измени, повеќе дури и од Бугарите“, вели Манасиевски

Портпаролот на ВМРО-ДПМНЕ, Валентин Манасиевски, на денешната прес-конференција упати остри критики кон лидерот на СДСМ, Венко Филипче, обвинувајќи го дека постојано инсистира на уставни измени и застапува ставови кои, според него, одат во прилог на бугарските позиции.

— реклама —

„Филипче секојдневно бара уставни измени, дури повеќе и од самите Бугари. Испадна поголем Бугарин и од Бугарите“, изјави Манасиевски.

— реклама —

Тој посочи дека претседателот на СДСМ ги игнорира позитивните оценки од претседателот на Европскиот совет, Антонио Кошта, за спроведувањето на реформската агенда, како и финансиската поддршка што државата ја добива преку Планот за раст на Европската Унија.

Според Манасиевски, Филипче ја сведува европската агенда исклучиво на прашањето за уставните измени, додека не ги признава другите реформски процеси што се спроведуваат во државата.

— реклама —

Во обраќањето, тој ја обвини СДСМ дека во изминатите децении водела, како што рече, „погубни политики“ во евроинтегративниот процес, наведувајќи ги промените на знамето, името и Уставот како примери за отстапки направени во минатото.

— реклама —

„ВМРО-ДПМНЕ нема да дозволи повеќе национални понижувања. Времето на отстапки и исполнување на туѓи агенди заврши“, порача Манасиевски.