Филипче: Со длабока почит се сеќаваме на бранителите кои ги положија животите за мирот во Македонија

На 25-годишнината од трагичниот настан кај Љуботенски Бачила, лидерот на СДСМ, Венко Филипче, оддаде почит на осумтемина македонски бранители кои ги загубија животите на 10 август 2001 година.

Филипче порача дека зад секое од загинатите лица стои човек, семејство и живот, како и празнина која, како што наведе, времето не може да ја избрише.

— реклама —

Тој нагласи дека споменот на бранителите треба да биде и потсетник дека поделбите, омразата и конфликтите не носат подобра иднина и напредок за државата.

— реклама —

„Општеството се движи напред кога заеднички ја градиме иднината на државата без омраза и поделби“, порача Филипче.

Тој додаде дека должност на сите е со почит да се сеќаваат на бранителите, но и да се работи за идните генерации да живеат во мирна, безбедна и просперитетна Македонија.

— реклама —

„Вечна им слава!“, порача Филипче.

— реклама —