Ризикот за пренесување на вирусот е значително висок во затворена просторија што не се проветрува и со голем број луѓе кои не носат маска, вели министерот за здравство Венко Филипче.
-Доколку носиме маска и одржуваме физичка дистанца ширењето на вирусот можеме да го спречиме. Од самите нас зависи заштитата на сопственото здравје и здравјето на нашите најблиски. Колку е подолг и физички поблизок контактот помеѓу некој заразен и потенцијално човек кој што би можел да се зарази, толку е поголем ризикот. И во таа смисла во затворена просторија која што не се проветрува доколку има голема концентрација и бројка на луѓе кои што не носат заштитна маска ризикот тука е исклучително висок, вели министерот.
