Филипче: Алта банка е дел од политичките концесии кон Вучиќ, власта добро знаела кој е Мацура

Претседателот на СДСМ, Венко Филипче, обвини дека влезот на Алта банка во Македонија е резултат на политички договори меѓу власта и режимот на српскиот претседател Александар Вучиќ. Тој тврди дека надлежните добро знаеле кој е Давор Мацура и дека дозволувањето на преземањето на Стопанска банка Битола не било случајно.

— реклама —

Во гостувањето на телевизија Сител, Филипче најави надзорна расправа за случајот, на која треба да бидат повикани околу 30 лица, меѓу кои премиерот Христијан Мицкоски, претседателката на државата, министерката за финансии, гувернерот и вицегувернерите, како и претставници на Алта банка и надлежните институции.

— реклама —

— реклама —

Тој побара одговори за потеклото на парите, финансиските трансакции и улогата на Владата во продажбата на акциите на јавните претпријатија во Стопанска банка Битола. Особено ја доведе во прашање улогата на премиерот и министерката за финансии, тврдејќи дека тие влијаеле јавните претпријатија да ги продадат акциите на Алта банка.

— реклама —

Филипче порача дека сите лица со политичка или институционална одговорност треба да одговорат пред јавноста и дека расправата треба да трае онолку колку што е потребно за да се отворат сите прашања.