„Филипче е нервозен затоа што ќе се најде решение за Алта банка, во време на СДС банките пропаѓаа, се затвораа, а блиски до кланот Заеви се богатеа“, вели ВМРО-ДПМНЕ

ВМРО-ДПМНЕ преку соопштение реагираше на прес-конференцијата на претседателот на СДСМ, Венко Филипче, посветена на случајот со Алта банка. Од партијата велат дека Филипче шири политички конструкции и создава недоверба наместо да го поздрави, како што наведуваат, решението со кое треба да се обезбеди стабилност на финансискиот систем.

— реклама —

Во реакцијата, ВМРО-ДПМНЕ го обвинува СДСМ дека за време на своето владеење се затворале банки и пропаѓале финансиски институции, додека, според партијата, блиски лица до тогашната власт се богателе.

— реклама —

Како пример ја посочуваат Еуростандард банка, отворајќи прашања за кредитирањето фирми блиски до СДСМ и Зоран Заев. Воедно, ја споменуваат и тогашната министерка за финансии Нина Ангеловска, тврдејќи дека неколку дена пред затворањето на банката повлекла 250.000 евра од своите средства.

Од ВМРО-ДПМНЕ сметаат дека Филипче и СДСМ немаат кредибилитет да зборуваат за финансиска стабилност, додека, како што наведуваат, не одговараат на прашањата за работењето на банките во периодот кога биле на власт.

— реклама —

Партијата бара од СДСМ да одговори кои компании добивале кредити, под кои услови, колкав дел од средствата бил вратен и дали имало привилегирани клиенти блиски до тогашната власт на СДСМ и ДУИ.

— реклама —

Во реакцијата, ВМРО-ДПМНЕ уверува дека Алта банка ќе продолжи да работи и дека нејзината иднина е обезбедена. Од партијата додаваат дека граѓаните не треба да стравуваат за исплатата на платите и пензиите, обвинувајќи го Филипче дека создава негативни сценарија околу случајот.