Филипче: Мицкоски е пион на оската Орбан–Вучиќ за ограбување на земјата и запирање на европскиот пат

Претседателот на СДСМ, Венко Филипче, ја обвини власта дека е дел од политичка и финансиска шема поврзана со Виктор Орбан и Александар Вучиќ, чија цел, според него, е контрола врз стратешките инвестиции и медиумите, ограбување на Македонија и запирање на нејзиниот европски пат.

— реклама —

Во гостувањето во „Тема на денот“ на ТВ Сител, Филипче рече дека случајот со Алта банка не е изолиран, туку претставува симбол на начинот на кој функционира власта. Тој тврди дека зад влезот на банката во Македонија стојат политички договори со режимот на Вучиќ, кого го нарече ментор на премиерот Христијан Мицкоски.

— реклама —

— реклама —

Филипче посочи дека поврзаноста, според него, се протега и врз стратешките инвестиции и медиумскиот простор. Тој го спомена влезот на унгарскиот телекомуникациски оператор, како и улогата на унгарските медиуми, „Еуроњуз“ и „Арена Спорт М“, за кои оцени дека се дел од поширока шема за воспоставување медиумска контрола.

— реклама —

„Христијан Мицкоски е само пионот на оваа оска на Орбан и на Вучиќ кај нас со цел земјава да се ограби и да се запре европскиот пат на земјата“, рече Филипче.